أوتوبيس كومبليت

أوتوبيس كومبليت بقيت كروت ♥

لعبة أوتوبيس كومبليت في شكل جديد, جمّع أربع ورقات بأربع فئات مختلفة من نفس الحرف عشان تكسب. 

اللعبة بتتلعب فردي أو فرق (كل فريق مكون من 2) 

قوانين اللعبة: 

• بنختار حرف من ورقة التعليمات 

• كل لاعب بيسحب أربع ورقات, بيشوف اتنين بس منهم 

• الكلمة اللي معاك هي الكلمة اللي فوق من الورقة (مهم جدًا)

• كل لاعب بيسحب ورقة من كومة الورق بالدور, وبيختار اما يبدلها بورقة معاه, أو يرميها (ركز في اتجاه الورقة عشان تخلي الكلمة اللي انت عايزها فوق)

• تقدر تاخد الورقة اللي فوق من الورق بدل ما تسحب من كومة الورق

• اللعبة بتخلص لما حد ييجي عليه الدور ويقرر يقول أوتوبيس كومبليت ساعتها كلنا بنقلب الورق

• لو اللي قال اوتوبيس كومبليت طلع معاه 4 كلمات فوق من الأربع فئات المختلفين (اسم - حيوان - أكلة - بلد) بيكسب الدور وياخد 50 نقطة 

• كل لاعب مجمع كلمة صح من فئة مختلفة بياخد عليها 10 نقط 

• لو اللي قال اوتوبيس كومبليت طلع غلطان في ورقه بياخد 0 نقطة الدور ده

• لو بتلعبوا فرق, الفريق بيبقى مهمته يجمع الـ4 كلمات مع بعض بس مش مسموحلهم يتكلموا مع بعض وهما بيلعبوا 

• الكسبان في الجيم هو اللي بيوصل 100 نقطة الأول 

• لما بيطلعلك حكم من الأحكام تقدر تختار أي حكم من الاتنين اللي في الورقة.